Kryetari i klubit Ulpiana, Jeton Gashi përjashtohet nga organizata e futbollit. Kështu shkruan në vendimin e marrë të hënën nga Komisioni Disiplinor i Etikës në Federatës së Futbollit të Kosovës.
Po ashtu, thuhet se Gashi po dyshohet edhe për kurdisje të tjera.
Sipas FFK-së, dyshimet për kurdisje nga Gashi janë evidentuar që në ndeshjen e zhvilluar më 7 prill ndërmjet Ulpianës dhe Vllaznisë së Pozheranit.
Këto dy skuadra javë më parë janë përjashtuar nga Liga e Parë e Kosovës nga FFK-ja për shkak të kurdisjes së ndeshjes së luajtur në Lipjan, e cila përfundoi 4:3 në favor të Vllaznisë edhe pse Ulpiana ishte në avantazh 3:1 pas pjesës së parë.
Lirion Kozhani në një intervistë televizive të dhënë më datën 21.04.2024, ku ai deklaroi se ‘z. Jeton Gashi ka tentuar të kurdisë ndeshjen Ulpiana – Ferizaj për një shumë prej 15 mijë eurove, por ai dhe lojtarët tjerë nuk kanë pranuar të marrin pjesë në këto veprime. Ndeshja u humb në mënyrë tjetër në tavolinë me rezultat zyrtar 3:0 në favor të Ferizajt”. Ulpiana dhe Vllaznia javë më parë janë përjashtuar nga Liga e Parë e Kosovës nga FFK-ja për shkak të kurdisjes së ndeshjes së luajtur në Lipjan. Ndeshja përfundoi 4:3 në favor të Vllaznisë edhe pse Ulpiana ishte në avantazh 3:1 pas pjesës së parë.
