Kampionia në fuqi e Kosovës në futboll, Drita, e ka nisur me fitore mbrojtjen e titullit.
Në ndeshjen e xhiros së parë, Drita ka fituar në shtëpi kundër skuadrës së Llapit, të dielën pasdite.
Drita triumfoi me rezultatin 5:3 në stadiumin me bari sintetik në Gjilan, duke dhënë sinjal të qartë se edhe në sezonin 2026/27 synon titullin e kampionit.
Ishte kjo një ndeshje me shumë gola, ku vetëm katër prej tyre u shënuan në pjesën e parë, e cila përfundoi me shifrat 2:2.
Drita e nisi mirë ndeshjen, duke zhbllokuar rezultatin me anë të Blerim Krasniqit (28’), përpara se Igball Jashari (32’) ta dyfishoj epërsinë.
Megjithatë, Llapi reagoi duke shënuar dy gola pa përfunduar pjesa e parë, me anë të Fiton Ademit (35’) dhe Elvir Gashijanit (45’).
Në pjesën e dytë, Drita ishte superiore ndaj Llapit duke shënuar edhe tre gola të tjera për ta konfirmuar fitoren në këtë përballje.
Besnik Krasniqi (48’) riktheu epërsinë për Dritën, përpara se Raddy Ovouka (58’) dhe Hajdin Salihu (73’) të krijojnë epërsinë e thellë prej tri golave dhe gjilanasit të kenë komoditetin deri në fund të takimit.
Krejt çka bëri Llapi deri në fund të takimit ishte ta ngushtojë avantazhin e Dritës me anë të Gentrit Jahës që realizoi në minutën e 83-të për rezultatin përfundimtar.
