Ferizaj dhe Suhareka janë dy klubet që e kanë siguruar edhe matematikisht pjesëmarrjen në elitën e futbollit të Kosovës për sezonin e ardhshëm.
Ferizaj mposhti bindshëm Flamurtarin të shtunën në Prishtinë dhe tubon 60 pikë në vendin e parë në Grupin B të Ligës së Parë
Suhareka fitoi në udhëtim te Drenica. Ka 53 pikë si lider në Grupin A të Ligës së Parë.
Kanë mbetur edhe dy ndeshje deri në fund.
Në Superligë ngjiten tri skuadra. Vendi i dytë i Grupi A dhe ai i Grupit B luajnë për të siguruar finalen e barazhit, me skuadrën që gjendet në pozitën e tetë në Superligë.
Dinamo (46 pikë) dhe Trepça ’89 (45 pikë) po luftojnë për vendin e dytë në Grupin A, ndërsa Prishtina e Re pothuajse e ka siguruar atë pozitë në Grupin B.
