Rami Hadar është emëruar trajner i Përfaqësueses së Kosovës në Basketboll.
Trajeri izraelit është prezantuar ditën e djeshme (e hënë), derisa sot FBK ka vendosur ta kompletoj edhe shtabin teknik.
Bordi i Federatës së Basketbollit të Kosovës ka angazhuar pesë trajnerë si ndihmës të teknikut izraelit.
Njoftimi i plotë nga FBK:
Bazuar në kompetencat e Bordit të Federatës së Basketbollit të Kosovës (FBK) që dalin nga Statuti i FBK-së, si dhe duke u bazuar në Nenin 41 të Rregullores së Përfaqësueseve të Kosovës, Bordi i FBK-së ka marrë vendim që, krahas trajnerit Rami Hadar, të emërojë anëtarët e Shtabit Profesional të Përfaqësueses A të Kosovës si në vijim:
- Bujar Loci – Ndihmëstrajner i Përfaqësueses A të Kosovës;
- Ilir Selmani – Ndihmëstrajner;
- Dritëro Sefaja – Ndihmëstrajner;
- Andin Rashica – Ndihmëstrajner/Skautim;
- Mehmet Uğur – Trajner kondicional.
Për shkak të analizave të lojës, lojtarëve, përgatitjes së stërvitjeve individuale dhe grupore, përcjelljes së lojtarëve të rinj në Përfaqësueset e Reja të Kosovës, përzgjedhësi i ri i Përfaqësueses A, Rami Hadar, ka propozuar dhe Bordi i FBK-së ka miratuar anëtarët e Shtabit Profesional të profileve të lartpërmendura.
Ky vendim hyn në fuqi në ditën e miratimit të tij.
Në emër të Bordit të FBK-së, Arben Fetahu.
