Familjari i nënë e bir që vdiqën nga vërshimet në Pejë, Milaim Ademaj, ka folur për tragjedinë që ndodhi mbrëmë.
Ai ka thënë se djalin e ka zënë një pjesë e kodrës, ndërsa gruan e kanë gjetur në bodrum.
“Shi ka rënë, ka rrëshqit një pjesë e kodrës, e ka nxënë djalin, u mbush te ky vëllai plot ujë, derisa e ka mbajtur muri, kur se ka mbajt u fut uji, mezi i kemi shpëtuar dy fëmijë të tjerë, jemi munduar që ta shpëtojmë nusen se atë voglin se kemi pa askund hiç, pastaj e kemi gjetur në një shtëpi të kojshive, nusen e kemi gjetur në të tretën shtëpi në bodrum”, u shpreh familjari.
Gjyshi i nipit 5-vjeçar tha se pavarësisht mundimeve për shpëtim, nuk ia dolën t’i nxjerrin trupat e gjallë.
Ndërkaq, axha i viktimës, Albert Ademaj tha për KosovaPress se pavarësisht thirrjeve tek institucionet, nuk hasën në ndihmën e tyre.
