Familjarët e 50- vjeçare që vdiq si pasojë e djegies së shtëpisë në fshati Goriq i Malishevës kanë thënë zjarri u shkaktua si pasojë e energjisë elektrike.
Ata nuk kanë dashur të flasin më shumë për rastin para medieve, raporton Teve1.
Policia ka konfirmuar se një grua 50- vjeçare ka vdekur si pasojë e zjarrit në shtëpi.
Mediumi ka dërguar pyetje në KEDS për këtë rast.
Ndërsa, Muhamet Gjuliqi zëvendëskomandant i zjarrfikësve në Malishevë ka thënë se gruaja që humbi jetën ishte e palëvizshme, ndonëse thotë se nga familjarët ishte tentuar që ta nxirrnin.
Ai për Tëvë1 ka thënë se kur ekipet e zjarrfikësve kanë arritur në vendngjarje në orën 22:30, gruaja ishte e vdekur.
“Vajza ka qenë e palëvizshme. Baba i viktimës ishte munduar me tërheq , por nuk ka mundur dhe kishte marrë edhe do djegie të lehta. Kur kemi shkuar viktima ka qenë e vdekur. Prokurori ka thënë se deri ai të vijë në vend ngjarje kufoma nuk bënë mu prek. Ne kemi vazhduar punën tonë kemi shuar zjarrin”, tha ai.
Vdes një grua në Malishevë si pasoj e djegies së një shtëpie
