Vrasja e kosovares, familja nga Rahoveci udhëton në Gjermani për t’i ndjekur nga afër hetimet.
E mërkura ishte një ditë e kobshme për familjen Cena nga Rahoveci.
Në këtë ditë, atyre u erdhi lajmi se bija e tyre me inicialet L.C është vrarë.
Ngjarja ka ndodhur në Gjermani, përderisa rastin e bën më të rëndë fakti se vrasjen po dyshohet se e kreu burri i tashmë ndjerës.
Sipas autoriteteve gjermane, burri u arrestua pa rezistencë jashtë shtëpisë së çiftit.
E para arrestimit, sipas raportimit të medieve gjermane, ai e kishte telefonuar djalin e tij për t’i treguar se ia ka vrarë nënën.
Në familjen Cena, dhimbje dhe trishtim kishte edhe të dielën.
Tëvë1 ka mësuar se trupi i pajetë i viktimës pritet që të varroset në Kosovë.
Postimet e familjarëve të viktimës në rrjetin social Facebook ishin të shumta.
Por ai që preku zemrat e të gjithëve ishte i nënës së viktimës.
Hetimin e rastin e ka marrë përsipër Departamenti i Hetimeve Kriminale të qytetit Memmingen në Gjermani.
Të enjten pasdite i dyshuari është sjellë para gjykatës dhe është dërguar në institucionin korrektues.
