Tani Nermine Syla dhe bashkëshorti i saj, Bajram Lutfiu mbetën pa një kulm mbi kokë.
Strehim të përkohshëm kanë gjetur tek një i afërm.
“Kemi jetu në këtë shtëpi por u prish dhe mbetëm pa të, jetuam me qera në banes po nuk kishim mundësi ta paguanim dhe na larguan, tani meqenëse vajza është e vogël 5 muaj po jetojmë në shtëpi të kunatit ku jemi 15 antarë, na liroi njërën dhomë, shtëpinë ia kanë ndërtu fshatarët”, ka thënë Nermine Syla – nga fshati Radivojc
E që kërkuan ndihmë kudo dhe nuk morën përgjigje asnjëherë e thotë edhe zonja e shtëpisë.
“Jemi kanë në komunë të Vitisë kanë thanë vim me iu vizitu po nuk kanë ardh hiq, kemi kontaktu edhe Halil Kastratin nuk na e kanë kthy prandaj tani kemi mbet në dorë të Zotit”, tha ajo.
Kurse Fazile Lutfiu, vjehrra e Nermines shprehet se është e vështirë të jetosh në një shtëpi me 15 anëtar dhe në kushte të rënda.
Andaj ka një kërkesë për vullnetmirët.
“Shumë vështir djali mundohet me do plastika dhe hekra me punu po e shihni dhe vetë gjendjen… Me mujt me ia maru një shtëpi, një dhomë më ia ndreq me jetu me burrë dhe fëmijë të vetin, sepse kallabllak nuk po jemi as në punë as kurgjo, as social nuk merr vtëm 20 euro të shtesave për vajzën…”, tha Lutfiu.
Nga Drejtoria e Mirëqenies në komunën e Vitisë shprehën mbrapa kamerës për televizionin se familja Lutfiu,nuk janë të regjistruar në listën e personave për ndihmë sociale.
Kronikë e realizuar nga gazetarja, Lendrina Kodrolli
