Fabian Ruiz mund të largohet nga PSG përpara skadimit të kontratës në vitin 2027. Mesfushori spanjoll po ndiqet prej kohësh nga Atletico Madrid dhe Galatasaray, ndërsa së fundmi në garë është futur edhe Real Madridi.
“Los Blancos” po vuajnë mungesën e kreativitetit në mesfushë pas largimeve të Modric dhe Kroos, ndaj Fabian shihet si një zgjidhje e menjëhershme falë përvojës, qetësisë me topin dhe njohjes së La Ligës. PSG synon ta shesë lojtarin këtë verë për të shmangur rrezikun e largimit pa pagesë, por nuk pranon oferta të ulëta.
Pavarësisht konkurrencës, pesha e Real Madridit dhe rikthimi në Spanjë mund të jenë vendimtarë për të ardhmen e Fabian Ruiz.
