Kryetari i LDK-së, Lumir Abdixhiku ka ngushëlluar familjarët e viktimave për vdekjen tragjike të tre shtetasve kosovarë në Vjenë të Austrisë.
Përmes një postimi në Facebook, ai u ka shprehur ngushëllime familjeve që humbën më të dashurit e tyre.
“Me dhimbje të thellë mora lajmin për tragjedinë e rëndë në Austri, ku humbën jetën disa persona, ndër ta edhe tre të rinj nga Kosova, jetë të reja që u shuan para kohe, duke lënë pas dhimbje të madhe te familjet por edhe tek shoqëria jonë. Në këto momente dhimbjeje, shpreh ngushëllimet më të sinqerta për familjet e viktimave, të afërmit dhe gjithë qytetarët që janë prekur nga kjo humbje e rëndë. Mendimet tona janë pranë tyre, duke ndarë dhimbjen dhe solidaritetin në këto çaste të vështira për ta. U prehshin në paqe!”, ka shkruar kreu i LDK-së./teve1.info/
