Volejbollistet e Kosovës e kanë nisur me humbje Evropianin U16 qe mbahet në Prishtinë dhe Tiranë. Kosova të mërkurën mbrëma në Pallatin e Rinisë dhe Sportit në Prishtinë, humbi 3:0 në sete nga përfaqësuesja e Malit të Zi.
Setin e parë Mali i Zi e fitoi 25:15. Kosova e humbi thellë edhe setin e dytë. Mali i Zi e mbylli setin e dytë në favor me rezultat 25:12. Volejbollistet e reja të Kosovës e humbën edhe më thellë setin e dytë, 25:6.
Ndërkohë, volejbollistet e reja të Çekisë e fituan ndeshjen e parë 3:0 në sete ndaj Kroacisë.
3:0 në sete fitoi edhe Turqia përballë Greqisë.
Në Evropian paraqiten 16 ekipe përfaqësuese. Kosova e Shqipëria marrin pjesë si vende nikoqire. Për nga cilësia, Kosova është larg nivelit që do t’i siguronte kualifikimin në Evropian. Rrjedhimisht secila fitore eventuale, por edhe secili set i fituar, mund të llogaritet sukses.
Pas shtatë xhirove në fazën grupore, që zhvillohen deri më 10 korrik, janë gjysmëfinalet. Gjysmëfinalet zhvillohen më 12 korrik në Tiranë. Po në Tiranë, më 13 korrik, është ndeshja për vend të tretë dhe finalja e Evropianit.
