Everton është këndellur në xhiron e 32-të, pas dy humbjeve radhazi të pësuara në Ligën Premier.
Blutë në “Goodison Park” triumfuan me shifrat 1:0 ndaj Manchester United, ku as kthimi i Ronaldos nuk i kreu punë “djajëve të kuq”.
Goli i Anthony Gordon në minutën e 27-të ishte i mjaftushëm për të arkëtuar pikë të plota ekipi i Frank Lampard. Me këtë fitore “karramelat” tani ngritën në kuotën e 28-të pikëve në vendin e 17-të.
Unitedi zë vendin e shtatë me 49 pikë, ndërsa kjo ishte humbja e 8-të këtë sezon.
/Tëvë1/
