I dërguari i Uashingtonit për Ballkanin Perëndimor, Gabriel Escobar, i tha Radios Evropa e Lirë se shteti i tij po heton për lidhjet e shtetit serb me sulmin në Banjskë të Zveçanit.
Në këtë intervistë, emisari amerikan tha se kryeministri i Kosovës, Albin Kurti, ka refuzuar propozimet e tij për dinarin serb dhe nuk i ka dhënë asnjë garanci se do të çojë përpara draft-statutin për themelimin e Asociacionit të komunave me shumicë serbe.
Escobar tha se ka “shumë zhgënjim” me Qeverinë Kurti, jo vetëm në Uashington, por edhe në qendra të tjera evropiane.
