Rrugën e kalon në këtë formë çdo ditë.
E përdorimin e nënkalimit e ka të domosdoshëm për shkak të sigurisë më të madhe.
Ani pse siguria më e madhe është këtu në nënkalimin në afërsi të shkollës “ Qamil Batalli”, në Prishtinë, për Hashim Shalën ky nënkalimi nuk i plotëson kushtet sa duhet.
“I plotëson shumë kushtet, por mirëmbajtjen duhet me mbajt si aty si gjithkund, por ne përgjithësi nuk e mbajmë edhe populli duhet me ju qëndruar këtyre gati, shteti nuk mundet me të ardhë ty mbrapa. E përdori qysh të jetë unë e përdori pse me rreziku andej, këtu më mirë por nuk është edukuar ky popull ende me i shfrytëzuar këto sene, mos me i pas thonë sherri i qeveritareve, me ia bë nuk shkojnë. E keni parë edhe te rrethi me Flamur nuk hipë askush, ne jemi mësuar ashtu”, është shprehur Hashim Shala – qytetar.
E era që po kundërmon në nënkalim, po e lë të pa shfrytëzueshëm edhe për këtë qytetar.
“Po kemi problem pikë së pari era këtu e kanalit, te vendkalimi aty nuk hyhet edhe mos me qenë erë pleqtë qysh me hy me karroca, e fëmijët nuk po munden me kaluar në asnjërën pjesë”, shprehet Haki Marolli.
Por, nuk është vetëm ky mbikalim në afërsi të shkollës “ Qamil Batalli”, që nuk i plotëson kushtet.
Ngjashëm si ai, është edhe ky mbikalim në një pjesë tjetër të qytetit, konkretisht tek Rrethi i Flamurit në kryeqytet.
Andaj ky qytetar ka edhe një kërkesë.
“Kurrë semafori është këtu lartë as nuk e përdori, era është katastrofë veç me u afrua afër aty e shihni çfarë ndyrësia dhe ere ka. Kërkesa ime është me u pastru kjo mirë një herë e përgjithmonë edhe shqiptarët me mbajt pastërtinë qysh duhet me u mbajt e jo me gjuajte bërllok, aty me hup është tmerr, tash aty edhe flenë njerëzit e rrugës”, shprehet një qytetar.
E dikush tjetër për shkak të moshës, dhe mos mirëmbajtjes së duhur nuk e përdorë thuajse kurrë këtë mbikalim.
“Këtë mbikalimin e përdori shumë pak për shkak moshës i përdori zebrat aty më lartë që janë për atë, por këtu që është ndërtuar ky mirë është, mirë është edhe rinia me përdorë por ka erëra jo të këndshme e më vjen shumë keq që vet i kemi bërë, populli i bënë këto”, thotë Halit Etemi.
Kurse, për këtë problematik të qytetarëve të Prishtinë, nga Komuna kanë një arsyetim.
“Nënkalimi tek shkolla “ Model” i takon kryeqytetit i cili e ka ndërtuar dhe e ka për detyre me e mbajt. Mirëmbajtje e cila bëhet sigurisht gjatë orëve të mbrëmjes dhe kemi ankesa edhe prej punonjësve tonë, të cilët thonë se gjatë ditës po kalon edhe në pjesën tjetër johigjienike të cilën sigurisht të tjerët e shfrytëzojnë edhe për nevoja të tjera. Nënkalime tjera që njëri është përballë QKUK-së, pastaj te ish hoteli “ Viktori” dhe në Bernicë janë kompetencë e Ministrisë”, ka thënë Pëllumb Bajqinovci – zëdhënës i Komunës së Prishtinës.
Televizioni ka dërguan pyetje edhe në Ministrinë e Mjedisit, Planifikimit Hapësinor dhe Infrastrukturës për të parë se pse këto nënkalime dhe mbikalime nuk po mirëmbahen si duhet, por nga të njëjtit nuk ka pranuar përgjigje.
