Pas një pushimi të shkurtër, Sigal Prishtina do ti kthehet garave në ligën ENBL, ku do të përballet me ekipin nga Çekia, Opava.
Për Prishtinën, kjo do të jetë ndeshja e gjashtë këtë sezon në këtë ligë, ndërsa Opava deri më tani i ka luajtur katër duele.
Ndeshja Sigal Prishtina – Opava, luhet sot prej orës 19:00 në Pallatin e Rinisë dhe Sporteve në kryeqytet.
Sigal Prishtina i ka humbur dy ndeshjet e fundit pas tri fitoreve rresht në tri xhirot e para, ndërsa kundër Opavas synon të rikthehet te fitorja.
Në anën tjetër, Opava nuk di për humbje pasi ka katër fitore në po aq ndeshje të luajtura dhe është e dyta në grup me 8 pikë, sa i ka edhe Sigal Prishtina.
Krahas Sigal Prishtinës, në këtë ligë paraqitet edhe Peja që në katër ndeshje ka vetëm një fitore karshi tri humbjeve, ndërsa duelin e radhës do ta ketë vitin tjetër.
