Pas Lecces edhe një ekip tjetër nga Serie A, është futur në garë për mbrojtësin e krahut të djathtë, Elseid Hysaj.
Bëhet e ditur se është ish-skuadra e tij, Empoli që po interesohet për transferimin e Hysajt, i cili nuk bën pjesë në planet e Lazios edhe pse ka kontratë deri në vitin 2026.
Megjithatë, thuhet se problem për transferimin e Hysajt tek Empoli, mbetet paga e tij e lartë pasi futbollisti i Shqipërisë ka pagë vjetore prej 2.8 milionë eurosh në vit.
Si Empoli ashtu edhe Lecce nuk janë gati për të mbuluar pagën e tij dhe po negociojnë me Lazion për huazimin e tij deri në fund të sezonit.
Hysaj këtë sezon ka 3 paraqitje me Lazion, ndërsa tek Empoli ka luajtur prej vitit 2012 deri në vitin 2015 kur iu bashkua Napolit.
30-vjeçari është pjesë e Lazios prej verës së vitit 2021.
