Përkundër negociatave për rinovimin e kontratës me Ardian Ismajlin, skuadra e Empolit ka caktuar çmimin për kapitenin e Kombëtares së Shqipërisë.
Ismajli po shkëlqen këtë sezon tek Empoli dhe tashmë ka tërhequr vëmendjen e tri skuadrave gjigante nga Serie A: Juventusit, Interit dhe Napolit.
Të trija këto skuadra po synojnë transferimin e Ismajlit në afatin kalimtar të janarit, ndërsa për kartonin e tij, drejtuesit e Empolit po kërkojnë 3 milionë euro.
Paraqitjet e mira të Ismajlit këtë sezon, kanë bërë që 28-vjeçari të jetë ndër mbrojtësit më të vlerësuar në Serie A, ndërsa me fanellën e Empolit ka regjistruar 14 paraqitje në kampionat.
Ismajli ka kontratë deri në fund të këtij sezoni me Empolin, ekip të cilit iu bashkua në verën e vitit 2021 nga Spezia për dy milionë euro.
