Pas javësh spekulimesh dhe thashethemesh, fansat e Eminem kanë tashmë një pamje më të qartë të jetës së tij private. Reperi legjendar është parë në shoqërinë e stilistes shqiptare Katrina Malota, duke hyrë në të njëjtën makinë pas një darke intime në një restorant të njohur në Detroit.
Pamjet, të publikuara fillimisht nga “TMZ”, kanë shpërthyer në rrjet, me fansa që flasin për “kiminë e dukshme” mes dyshes.
Sipas burimeve pranë tyre, marrëdhënia ka nisur si një bashkëpunim profesional – Katrina ka qenë stilistja e tij prej vitesh – por ndjesitë kanë kaluar kufijtë e miqësisë.
Kemi parë se si ata bashkëpunojnë në skena, videoklipe dhe koncerte, por tani duket se ka diçka më të thellë
-shprehet një burim për mediat amerikane.
Katrina Malota ka punuar me emra si Snoop Dogg, Robin Thicke dhe 50 Cent, dhe megjithëse karriera e saj është ndërkombëtare, ajo ka mbajtur gjithmonë një profil të ulët – po aq diskrete sa edhe vetë Eminem.
Burimet thonë se marrëdhënia mes tyre është “natyrale dhe e ndershme”, me momente që tregojnë një lidhje të veçantë dhe komoditet të ndërsjellë, çka ka bërë që paparacët të kapin momentet më intime të tyre.
As reperi, as stilistja nuk kanë konfirmuar ende romancën, por për fansat duket e qartë: Detroit mund të ketë një çift të ri yjesh që po i shkrin zemrat e ndjekësve.
