Mesfushori Lindon Emërllahu e ka fituar epitetin e lojtarit më të mirë për xhiron e 13-të në Superligën e Kosovës në futboll.
FFK-ja, të martën ka njoftuar se Emërllahut i është ndarë çmimi “Ylli i Javës”, i cili i jepet lojtarit më të mirë pas përfundimit të secilës xhiro.
Komisioni i veteranëve të futbollit, ka vlerësuar se Emërllahu ishte fantastik në duelin ndaj Malishevës, të cilin Ballkani e fitoi 1:0 të hënën, në ndeshjen e fundit të xhiros së 13-të.
Me lojën e tij kreative, Emërllahu kontribuoi shumë në këtë fitore të Ballkanit, e cila e riktheu në pozitën e parë në tabelë me 25 pikë të mbledhura.
Vet futbollisti është shprehur tejet i lumtur me këtë vlerësim, duke shtuar se ky çmim e motivon për të punuar edhe më shumë.
Ai shtoii se Ballkani do të vazhdoj me ritmin e njëjtë deri në fund të kampionatit, pasi synimi është që të rikonfirmohet kampion i Kosovës.
