Zëvendësdrejtori i Policisë në Mitrovicë të Veriut, Veton Elshani ka thënë se mediat janë lejuar për të shkuar drejt Manastirit të Banjskës, ku është zhvilluar aksioni në mes të Policisë së Kosovës dhe sulmuesve serbë për të mos pasur terr informativ.
Ai tha se konsideron që rreziku ende nuk ka kaluar edhe pse një pjesë e madhe e paisjeve dhe gjithësendeve tashmë janë gjetur.
“Unë mendojë që hetimet nuk kanë me përfundu edhe për një kohë të gjatë , sepse edhe për neve është shumë interesant, pse ky vend me u zgjedh në këtë formë dhe çka ka qenë qëllimi i këtyre personave të armatosur…Bastisjet dhe kontrollet kanë përfunduar. Ne kemi bërë një kontrolle goxha të mirë edhe rrethit të malit këtu, ku e shihni edhe ju. Sidoqoftë nuk autorizohet lëvizja e juaj në këtë vend, pasi ka mundësi të këtë mjete të paeksploduar, sepse kemi gjetur shumë nëpër mal.
Përsëri sot dhe në ditët në vijmë do të kemi Njësite të Specializuara të tjera të cilat vijnë edhe në vende të caktuara dhe do të bëjnë kërkime të ndryshme. Autorizimi për ju është bërë pas konsultimet me eprorët tonë në mënyre që të mos këtë një terr informativ… edhe përsëri konsiderojmë që rreziku nuk ka kaluar edhe pse konsiderojmë që një numër i madhe i paisjeve dhe gjithësendeve veç se i kemi gjetur”, ka deklaruar ai para mediave.
Ai tha sePolicia s’pati qëllim ta vrasë askënd, vetëm ta çlirojë vendin nga kriminelët.
“Ne nuk kemi pasur qëllim t’i vrajmë 30 vetë. Nuk kemi pasur qëllim me e vra asnjë njeri. Qëllimi jonë është që ta ruajmë territorin tonë dhe që ta çlirojmë vendin nga grupet kriminale këtu dhe nëse gjatë këtij procesi ka të vrarë, nuk kemi çfarë të bëjmë…Fshatarët e këtij fshati nuk kanë qenë të rrezikuar as nuk ka dëme anësorë. I kemi bërë planifikimet tona dhe kjo për neve është çudi. Do të jetë pjesë e hetimeve nëse kanë bashkëpunuar edhe qytetarët, por nuk mund të them asgjë për këtë. Armatim ka pasur në çdo vend, ka pasur shumë armatim, në zonat e jashtme, rreth shtëpive”.
Policia lejon ekipet e mediave për të shkuar drejt Manastirit të Banjskës
