Policia e Kosovës ka sekuestruar një pushkë automatike gjatë një bastisjeje të realizuar të mërkurën në Skenderaj, pasi një person dyshohet se e kishte ekspozuar atë në rrjetet sociale.
Sipas njoftimit të Policisë, aksioni është zhvilluar pas pranimit të informatave dhe sigurimit të provave, ndërsa gjatë bastisjes në shtëpinë e të dyshuarit është gjetur dhe sekuestruar arma e zjarrit.
Lidhur me rastin janë intervistuar dy persona në cilësinë e të dyshuarve.
Me vendim të prokurorit, pas intervistimit ata janë liruar në procedurë të rregullt.
Ndaj tyre është iniciuar rast për veprën penale “Mbajtje në pronësi, kontroll ose posedim të paautorizuar të armës”./teve1.info/
