Klubi basketbollistik Peja nuk po kalon në formë aspak të mirë në këtë pjesë të sezonit ku në pesë ndeshjet e fundit kanë arritur vetëm një fitore.
Si pasojë e rezultateve jo të mira tek “verdhezinjtë” do të fillojnë disa ndryshime në këtë klub.
Sipas disa informacioneve, “viktima” e parë do të jet Khaliq Spicer, qendra që erdhi me shumë bujë në taborin e pejanëve.
Spicer me shumë gjasë mund ta vazhdoj rrugëtimin e tij profesional në Superligën e Kosovës pasi për të kanë shprehur interesim disa klube vendore.
Largimi i Spicer do të zëvëndësohet shumë shpejtë ku klubi nga Peja është në bisedime me një lojtarë me përvojë.
Fjalë bëhet për amerikanin 37-vjeçarë, Marvin Jefferson I cili me 207 cm e tija pritet ti jap siguri lojës së skuadrës pejane.
Jefferson së fundmi ishte pjesë e elitës së basketbollit meksikan në ekipin e Dorados de Chihuahua, që pati paraqitje prej 6.3 pikësh, 4.0 kërcime dhe 0.7 asistime për ndeshje.
Qendra amerikane shumicën e karrierës së tij kryesisht e ka kaluar në basketbollin e Turqisë.
Përpos Spicer te Peja do të ketë dhe disa largime të tjera.
