Egnatia është gati për ndeshjen e kthimit të “play-offit” të Ligës së Evropës ndaj Lillestromit, një përballje që do të përcaktojë fatin e kampiones së Shqipërisë në këtë garë.
Pas barazimit 0:0 në stadiumin “Arena Egnatia” në Rrogozhinë, skuadra e drejtuar nga Nevil Dede ka udhëtuar Norvegjisë me gjithçka ende të hapur.
Egnatia zhvilloi një lojë në organizuar në ndeshjen e parë, duke u mbrojtur mirë dhe duke krijuar disa raste të mira, por pa mundur ta gjejë golin
Tashmë, Egnatia do të kërkojë të shkruajë historinë në transfertë, pasi një fitore në Norvegji do t’i siguronte kualifikimin në fazën e ligës të Ligës së Evropës dhe do t’i jepte klubit shqiptar një tjetër arritje të rëndësishme në aventurën evropiane
Sfida e kthimit Lillestrom – Egnatia do të luhet sonte me fillim në orën 19:00, në “Arasen Stadion”, në Norvegji dhe skuadra që shënon fitore, do ta sigurojë kualifikimin.
Egnatia e ka tashmë të garantuar pjesëmarrjen në fazën e ligës të Ligës së Konferencës, por objektivi i radhës është më i madh: të vijojë rrugëtimin në Ligën e Evropës dhe të shkruajë një tjetër kapitull historik për klubin dhe futbollin shqiptar.
