Basketbollisti me prejardhje nga Kosova, Edon Maxhuni do ta vazhdoj karrierën në Serie A të Italisë.
Maxhuni, të mërkurën është zyrtarizuar te Scafati Basket, ekip që renditet në fund të tabelës me 4 fitore karshi 14 humbjeve në kampionat.
“Givova Scafati ju njofton se ka transferuar basketbollistin Edon Maxhuni, plejmejkeri finlandez, vjen me përvojë nga Strasbourgu i elitës së basketbollit francez,” është thënë në njoftimin për afrimin e ekipit italian.
Maxhuni 26-vjeçar, ka karrierë të pasur në basketbollin evropian.
Ai ka bërë karrierë te HBA Marsky, pastaj Gran Canaria, Parnu Sadam, Heroes Den Bosch, Crailsheim Merlins, ESSM Le Portel dhe në SIG Strasbourg.
Maxhuni posedon pasaportë finlandeze dhe është pjesë e rregullt e Kombëtares së Finlandës.
