Është rrëmbyer një person në Prishtinë.
Një qytetar ka informuar policinë se një person kishte rrëmbyer shokun e tij. Sipas raportit të policisë, ai kishte thënë se shokun e tij, një person e kishte dërguar në një mal në afërsi të Prishtinës.
Pas marrjes së kësaj informate, policia menjëherë ka filluar të trajtojë rastin, ku pas disa orësh, personi i cili dyshohet të ketë qenë i rrëmbyer, është paraqitur në stacionin policor.
“RRËMBIM- Rr. Fadil Vata, Prishtinë 26.02.2024. Policia ka pranuar një informatë nga një qytetar se një shok i tij është rrëmbyer nga një person dhe i njëjti është dërguar në një mal në afërsi të Prishtinës. Njësitë policore kanë filluar ta trajtojnë rastin. Pas disa orësh personi që dyshohet se ka qenë i rrëmbyer është paraqitur në stacion policor. Njësitë e hetimeve rajonale janë duke e trajtuar rastin. nuk raportohet për të arrestuar”, thuhet në raportin e PK-së.
