Dy presona ka vdekur në një aksident që ka ndodhur në orët e mëngjesit në magjistralen Pejë – Prishtinë nё fshatin Zajm të Klinës.
Në këtë aksident siç ka njoftuar Policia e Kosovës, lëndime kanë pësuar dy persona të cilët janë dërguar për trajtim në Spitalin e Pjesës.
Një kamion, një kombi dhe një veturë janë përfshirë në këtë aksident.
“Si pasojё e aksidentit, dy persona kanё ndёrruar jetё ne vendin e ngjarjes, kёtё e ka konstatuar ekipi mjekësor, ndërsa dy persona tё lënduar janё dërguar me autoambulancë nё Spitalin Rajonal nё Pejё pёr tretman mjekësor. Me urdhër të prokurorit të Shtetit, i cili po ashtu ishte në vendin e ngjarjes trupat e pajetë tё viktimave dërgohet në Institutin e Mjekësisë Ligjore në Prishtinë, për obduksion”, thuhet në komunikatën e Policisë.
Kurse, për gjendjen e dy të lënduarve nga Spitali i përgjithshëm në Pejë kanë deklaruar për Tëvë1 se gjendja e tyre është stabile.
“Pas trajtimit të ofruar nga ekipi ynë mjekësor, pacientët janë liruar nga spitali në gjendje stabile shëndetësore”, thuhet në përgjigjen e tyre./teve1.info
