Dy të dyshuar për posedim të paautorizuar të narkotikëve janë arrestuar të shtunën në rrugën Duhël-Suharekë pasi kanë tentuar t’i shmangen njësive policore me veturën e tyre.
Gjatë kontrollit në automjet, policia ka sekuestruar 314.97 gramë kokainë, 0.45 gramë marihuanë, 3 telefona celularë dhe veturën e të dyshuarve.
Në konsultim me prokurorin, është bastisur edhe banesa e njërit prej tyre, por nuk është gjetur asgjë e dyshuar.
Me vendim të prokurorit, të dyshuarit janë dërguar në mbajtje, ndërsa rasti po hetohet nga autoritetet.
“Janë arrestuar dy të dyshuar kosovar pasi kanë tentuar t’i shmangen njësive policore me veturën me të cilin ishin duke lëvizur dhe gjatë kontrollit në veturë njësitet policore kanë gjetur dhe sekuestruar 314.97 gramë substancë të dyshuar narkotike të llojit kokainë, 0.45 gramë substancë të dyshuar narkotike të llojit marihuanë, 3 telefona mobil dhe po ashtu kanë sekuestruar edhe veturën e të dyshuarve. Në konsultim me prokurorin, është bastisur edhe banesa e njërit të dyshuar, por nuk është gjetur diçka e dyshuar. Me vendim të prokurorit, të dyshuarit pas intervistimit janë dërguar në mbajtje”, thuhet në raportin e PK-së./teve1.info/
