Alarmi i lëshuar nënkupton se nevojitet një intervenim nga ta.
Këta zyrtarë policorë pas marrjes së informatës se në një lokacion dyshohet për trafikim me qenie njerëzore, me shpejtësi të madhe arrijnë në vendngjarje.
E aty, policët në rroba civile kryejnë edhe arrestimet e para.
Dy të arrestuarit tashmë dyshohen për kryerjen e veprës penale “Trafikim i qenieve njerëzore”, e që një nga ta doli të jetë edhe në kërkim policor.
Pos arrestimit, tek ta u konfiskua edhe një sasi e parave, por edhe gjëra tjera të dyshimta.
E cak i kontrolleve ishin edhe disa persona nga Shqipëria që ishin lëmoshkërkues.
Hetuesit policorë kishin informatat e tyre, andaj duhej një bastisje më e detajuar.
E gjatë kësaj kontrolle, atyre iu gjetën edhe një sasi e madhe parash të cilat u konfiskuan.
Kurse, për disa tjerë të dyshuar që nuk kishin dokumente identifikimi, policia vazhdoi me procedura ndaj tyre.
Ndërkaq, aksionit nuk i shpëtuan edhe disa familje tjera, po ashtu lëmoshkërkues e që dyshohen për keqpërdorim të kësaj veprimtarie.
