Dy persona kanë mbetur të lënduar si pasojë e një aksidenti që ka ndodhur mes tri veturave në lagjen “Aktash” në Prishtinë.
Të lënduarit, si pasojë e plagëve të marra janë dërguar për tretman mjekësor.
Kështu bëri të ditur për teve1.info, zëdhënësi i Policisë për Prishtinën, Enis Pllana.
Ndërkaq, njoftoi se me rastin po merret Trafiku i Kryeqytetit.
“Sot rreth orës 14:30 kemi pranuar informatën për një aksident trafiku me lëndime në rrugën “Ali Pashë Tepelena” në Prishtinë. Në aksident janë përfshirë tri vetura. Si pasojë lëndime kanë pësuar dy persona, të cilët kanë pranuar tretman mjekësor. Me rastin po merret Trafiku i Kryeqytetit”, tha ai. /teve1.info/
