Dy persona janë lënduar në një aksident trafiku mes dy veturave mëngjesin e sotëm në fshatin Dubravë të Suharekës.
Lajmin për tëvë1.info e ka konfirmuar zëdhënësi i policisë për rajonin e Prizrenit, Shaqir Bytytqi i cili ka thënë se të lënduarit janë transportuar për në QKMF në Suharekë.
Bytyqi ka bërë të ditur se policia ka dalë në vendin e ngjarjes dhe është duke u marrë me rastin.
“Sot me date 04.11.2024, rreth orës 07:44 është raportuar për një aksident trafiku në fshatin Dubravë të Suharekës. Në aksident janë të përfshirë dy automjete. Si pasoj e aksidentit dy person kanë pësuar lëndime të lehta trupor dhe janë transportuar për në QKMF në Suharekë. Policia ka dal vendngjarje dhe është duke u marr me rastin”, ka deklaruar Bytyqi./teve1.info/
