Christian Pulisic me shumë mundësi do të largohet në verën e ardhshme nga Chelsea.
Amerikani ka luajtur 14 ndeshje në këtë sezon, por nuk është i lumtur në Londër dhe Chelsea tani është i hapur të dëgjojë çdo ofertë për të.
Së fundmi, për shërbimet e ishit të Borussia Dortmund janë futur në garë edhe Juventus dhe Milan.
Kampionët e Italisë kërkojnë të përforcojnë sulmin, madje “kuqezinjtë” synojnë të transferojnë jo vetëm Pulisic, por edhe Ziyech.
Në krahun tjetër, Juventus po mendon për sezonin e ri, për të lënë pas “hijet” e këtij edicioni dhe Pulisic konsiderohet si një element cilësor dhe në gjendje të bëjë diferencën.
Sa i përket merkatos, Chelsea tani “fërkon” duart, pasi për shërbimet e 24-vjeçarit interesohen disa skuadra dhe në verë pritet një ankand i mirëfilltë për Christian Pulisic.
