Është anuluar sot kontrata për segmentin Milloshevë – Mitrovicë, në kuadër të magjistrales Prishtinë – Mitrovicë.
Kështu ka njoftuar ministri i Infrastrukturës, Hysen Durmishi, i cili bën të ditur se shkëputja e kontratës është bërë pasi kontraktori nuk ka përmbushur obligimet e nënshkruara, përcjell teve1.info
“Shkëputja e kontratës është bërë bazuar në raportin e Auditorit, me ç’rast punëdhënësi, përkitazi autoriteti kontraktues (MMPHI) dhe financuesit – bankat ndërkombëtare (SFD dhe OFID) pas shumë tentativave dhe takimeve me Kontraktorin për të gjetur zgjidhje dhe të tejkalojnë sfidat me të cilat përballeshin, Kontraktori “Pevlaku & Patishta”, nuk ka përmbushur obligimet/angazhimet e tij të përcaktuara në Minutat e Takimit, klauzola që kishin rënë dakord dhe nënshkruar më 23 Nëntor 2021, nenet e “Aneks Marrëveshjes së Kontratës” me numër MI. 10598, të nënshkruar më 23 dhjetor 2021, si dhe legalizimin e nën-kontraktorit ilegal të angazhuar që nuk lejohet sipas kontratave ndërkombëtare që janë të bazuara në FIDIC”, ka shkruar ai në Facebook.
Kjo rrugë ka më shumë se 10 vjet që ka nisur së ndërtuari, por ende nuk ka përfunduar.
Sipas të dhënave, nga buxheti i vitit 2023 Qeveria e Kosovës ka ndarë 11 milionë euro për projektin e zgjerimit të kësaj rruge. /Teve1.info/
