Duraku për Tëvë1, tha se është e domosdoshme që sa më shpejt t’u bëhet kompensimi i tri pagave ndaj infermierëve dhe profesionistëve tjerë shëndetësorë.
Sipas tij, ka shumë nga ta që varen vetëm nga kjo pagë që tash e 3 muaj nuk u ka dalë, por theksoi se ka raste të shumta që për shkak të problemeve financiare, nuk mund të vijnë fare në punë.
“Arsyetimi i Ministrisë së Shëndetësisë ka pasur paqartësi procedurale, ndërsa për këtë të ndëshkohen profesionistët të cilët kanë bërë një punë kolosale që nga fillimi i pandemisë. Të ndëshkohen për shkak të procedurave, kjo është jo e logjikshme, ndërsa sigurisht që meriton trajtim në mënyrë urgjente për t’u kompensuar pagat infermierëve. Pasi që, ka raste që varen vetëm nga kjo pagë, ndërsa ka edhe prej atyre që nuk kanë mundësi të vinë në punë për shkak të mjeteve financiare”, tha ai në emisionin “Infonata”.
Stafi mbështetës shëndetësorë i angazhuar gjatë pandemisë kanë protestuar sot para objektit të ministrisë së Shëndetësisë, nga ku kanë kërkuar që të plotësohen kërkesat e tyre e që janë: pagat e e tre muajve si dhe vazhdimet e kontratave.
