Mbrojtësi i krahut të djathtë, Denzel Dumfries së shpejti do ta rinovoj kontratën me skuadrën e Interit.
Mediumet italiane kanë raportuar të premten se palët tashmë kanë arritur marrëveshje dhe gjithçka do të bëhet zyrtare muajin e ardhshëm.
Me rinovimin e kontratës, holandezi 28-vjeçar do të jetë pjesë e Interit deri në vitin 2027 dhe do të ketë pagë vjetore prej 4 milionë eurosh. Kontrata e tij aktuale skadon në vitin e ardhshëm.
Dumfries iu bashkua Interit në vitin 2021 nga PSV Eindhoveni dhe këtë edicion ka kontribuar me 3 gola e 5 asistime në 28 paraqitje në kampionatin e Italisë.
