Tutje, Dukaj tregoi se është biseduar ideja që Demokratët e Malit të Zi ta zëvendësojnë partinë “Ura”.
“Deri sa të bëhet një shumicë prej së paku 41 nënshkruesve të deputetëve, ajo iniciativë duhet t’i dërgohet presidentit të Malit të Zi për ta përcaktuar një mandatar tjetër. Në qoftë se kjo nuk ndodhë në afat prej dy muajsh, atëherë kryetari i shtetit është i obliguar t’i shpallë zgjedhjet, atëherë kjo Qeveri do ta dërgojë Malin e Zi në zgjedhje të parakohshme parlamentare. Është biseduar që demokratët e Malit të Zi ta zëvendësojnë Urën e Dritan Abazoviqit”, tha Dukaj në emisionin “Ditari” në Tëvë1.
Iniciativa për rrëzimin e Qeverisë, e prezantuar nga Partia Demokratike Socialiste e presidentit të Malit të Zi, Millo Gjukanoviq, dhe një pjesë e partive në tjera, është shenjë pakënaqësie ndaj vendimit të Abazoviqit për nënshkrimin e Marrëveshjes Themelore me Kishën Ortodokse Serbe.
Me atë marrëveshje Kishës Ortodokse Serbe në Mal të Zi i mundësohet eksterritorialiteti i objekteve fetare, hapet mundësia mësimit fetar në shkollat publike, i njihet subjektiviteti për gjashtë shekuj më i gjatë se sa që Kisha Ortodokse Serbe ka në Serbi, i jep asaj kompetenca publike-juridike dhe në disa fusha ia mundëson statusin ligjor të barabartë me institucionet shtetërore.
