KF Dukagjini ka preznatuar katër futbollistë për pjesën e dytë të sezonit në Superligën e Kosovës. Ekipi klinas ka komunikuar arritjen e marrëveshje me lojtarët Marclei Santos, Progon Maloku, Faton Neziri dhe Gentrit Salihu.
Santos i është bashkuar bardhegjelbërve nga Prishtina, derisa me parë ka bërë karrierë edhe te Ulpiana, Arbëria e Feronikeli. Kurse Maloku së fundmi ka qenë pjesë në Kategorinë Superiore te Shqipërisë, me saktësisht te Erzeni, por rrugëtimi i sulmuesit anësor është mjaft i pasur pasi që karrierën e tij e ka nisur të grupmoshat e gjigantit gjerman, Bayern Munich U16 dhe U17, e me pas vazhdoi në Itali te Lazio U19, në Holandë te Heerneveen U21 dhe Zvicër te SC Kriens.
Ndërkaq, Salihu është një emër mjaft i njohur në futbollin vendor, ku vite me parë tregoi përformancë të mirë me Besën e Pejës, dhe iu shpërblye me një transfer të skuadra e Portos U19 në Portugali, ndërsa tani do të bartë ngjyrat e skuadrës nga Klina.
Kurse 21-vjeçari, Neziri në sezonin vjeshtor ishte paraqitur denjësisht te Drenica, dhe me paraqitjet e tij mbreslënëse ka ndezur sinjalin e drejtuesëve te Dukagjinit që menjëherë janë hedhur në sulm për t’i siguruar shërbimet e tij.
Vitin 2023, Dukagjini e nis me Kupën e Kosovës, ku të dielën nga ora 13:00 ballafaqohet me Prishtinën. Dukagjini në Superligën zë vendin e pestë me 22 pikë, pesë me pak se vendi i tretë dhe katër, që janë të pozicionuar Prishtina e Gjilani.