Drita ka fituar kryendeshjen e xhiros së 21 ndaj Prishtinës. Ekipi gjilanas në udhëtim ka mposhtur Prishtinën 2:1. Pas kësaj fitore ka baraspeshuar pikët me Ballkanin nga 44, por që skuadra suharekase ka një ndeshje me pak. Ndërsa, Prishtina tani rrezikon ta humbasë edhe vendin e katërt.
Blesa (34′) shënoi për Prishtinën, derisa realizatorët në fitoren e Dritës ishin Besnik Krasniqi (43′), dhe Blendi Baftiu (47′).
Fitore në udhëtim ka marrë edhe Gjilani, teksa ka mposhtur Drenicën në stadiumin “Bajram Aliu” me rezultat 2:1. Kelmendi (2′) dhe Zabërgja (84′) shënuan në fitoren e kuqebardhëve, ndërsa për kuqezinjtë Dervishaj (45+5′).
Kurse me barazim është mbyllur ndeshja në “Liman Gegaj”. Malisheva ka barazuar me Ferizajin 1:1. Ilir Mustafa për Malishevën, derisa për Ferizajin realizoi Gentrit Halili.
