Njësiti i Trafikut të Kryeqytetit përmes kamerave të sigurisë ka identifikuar një shofer i cili po drejtonte veturën e tij me targa që i përkisnin një automjeti tjetër, ndërsa vetura e tij kishte regjistrimin e skaduar.
Njësiti i Trafikut të Kryeqytetit ka ndërmarrë veprimet e nevojshme ndaj shoferit, të cilit i janë shqiptuar dy gjoba.
“Për përdorimin e targave që i përkisnin një automjeti tjetër, shoferit i është shqiptuar gjobë në vlerë prej 500 eurosh, ndërsa për drejtimin e veturës me regjistrim të skaduar i është shqiptuar gjobë në vlerë prej 200 eurosh. Gjithashtu, targat e përdorura janë sekuestruar nga Policia”, njofton Policia e Kosovës.
