Pavarësisht që mësimdhënësit ishin në objekt, ata nuk pranuan të tregojnë se edhe sa kohë do të vazhdojnë këtë grevë.
Mirëpo, prapa kamera kanë treguar se disa prej tyre janë kundër kësaj greve të përgjithshme.
E gjatë së premtes, kreu i SBASHK-ut ka zhvilluar takime edhe me përfaqësuesit e partive opozitare.
Kreu i Lidhjes Demokratike të Kosovës, pas takimit me Rraman Jasharajn, theksoi se Kosova ka nevojë për qetësi e jo për polarizime.
Pas LDK-së, Jasharaj u prit në takim edhe nga kreu i Partisë Demokratike të Kosovës.
Ndërsa, kryetari i SBASHK-ut tha se u pajtuan se situata në të cilën gjenden nuk është e mirë ngase humbësit më të mëdhenj janë nxënësit.
Greva në vend ka filluar nga 25 gushti e që po vazhdon me kërkesën për ndarjen nga 100 euro deri në miratimin e Ligjit për paga.
Kronika e gazetares Fetije Kamberi.
