Disa persona janë vrarë në një sulm me armë zjarri në një shkollë të mesme në qytetin Graz të Austrisë, njoftoi Ministria e Brendshme e vendit.
Ngjarja ka ndodhur në shkollën e mesme “Dreierschützengasse”, ku besohet se në mesin e viktimave ka studentë dhe mësues.
Sipas gazetës tabloide Kronen Zeitung, raportohet për tetë të vrarë, por autoritetet nuk e kanë konfirmuar ende numrin zyrtar të viktimave, raporton BBC.
Një zëdhënës i policisë deklaroi për transmetuesin publik ORF se autori i dyshuar besohet se ka vrarë veten pas sulmit.
Policia është ende në vendngjarje dhe operacioni po vazhdon. Në zonë është angazhuar edhe një helikopter për mbikëqyrje dhe ndihmë operative.
