Rruga “B” në Prishtinë ishte mbyllur të shtunën mbrëma nga Policia e Kosovës për shkak të dyshimit për një mjet shpërthyes.
Lidhur me këtë rast, në raportin ditor është bërë e ditur se fillimisht një person ka raportuar në polici se persona-a të panjohur dyshohet i kanë montuar diçka të dyshimtë në veturën e tij të parkuar.
Në vendin e ngjarjes kanë dalë zjarrfikësit, ndihma e shpejt dhe prokurori kujdestar për krime të rënda.
Ndërkohë, njësiti i EOD-së në mënyrë të sigurt e pa incidente e kanë tërhequr mjetin e dyshimtë nga vetura.
Policia thotë se rasti është ende duke u hetuar, derisa i njëjti është iniciuar “Vrasje e rëndë në tentativë”.
“Viktima mashkull kosovar ka raportuar se person-a të panjohur dyshohet se i kanë montuar diçka të dyshimtë në veturën e tij të parkuar. Njësit relevante policore, zjarrfikësit, ndihma e shpejtë dhe prokurori kujdestar për krime të rënda kanë dalur në vendin e ngjarjes, ku njësiti i EOD-së kanë bërë tërheqjen e mjetit të dyshimtë nga vetura, në mënyrë të sigurt dhe pa incidente. Rasti në procedurë hetimore”, thuhet në njoftim./teve1.info/
