Pas disa orësh ndërprerje, procesi i numërimit të votave në Mitrovicën e Jugut do të rifillojë.
Më tu sqaruar dyshimet lidhur me manipulimin e mundshëm të votave në Qendrën Komunale të Numërimit, Prokuroria Themelore në Mitrovicë ka vendosur që numërimi të vazhdojë nga aty ku kishte mbetur.
Ky vendim sipas Prokurorisë, është marrë pas njoftimit të kompanisë “CETIS”, e cila ka marrë përgjegjësinë se gjatë shtypjes së fletëvotimeve janë bërë disa gabime.
“Kompania CETIS mbi printimin e fletëvotimeve për zgjedhjet komunale në Kosovë, përmes një njoftimi ka shpjeguar se problemi i numërimit ndodhi ekskluzivisht në njërën nga katër kokat/pllakat e printerëve me ngjyrë, përgjegjëse për printimin e numrit të qendrës së votimit, dhe se marrin përgjegjësi për këtë gabim, sipas të cilës në rrethana normale do të ishte pothuajse i pamundur të ndodhte”thuhet nga Prokuroria.
Këtë vendim nuk e pritë fare mirë nga PDK-ja, parti kjo që kishte hedhur dyshimet mbi këto manipulime.
“Zyrtarisht ende nuk e kemi pranuar, dhe ne momentit qe e pranojmë konsideroj se gjitha organet e PDK-së do ta shqyrtojnë dhe do të ndërmerren hapa të mëtutjeshëm nëse do të marrin pjesë apo jo ekipet e numërimit në Qendrën Komunale të Numërimit në Mitrovicë të Jugut”, tha ai.
E detaje se si ishte gjendja mbrëmë kur edhe u ndaluan procesin i votimit dha, Jahir Sumiçi nga PDK-ja.
“Ajo se çfarë është gjendur brenda kutive lë dyshime të hapura për manipulim dhe devijim të votës së vullneti qytetar. Kemi gjetur fletëvotime të cilat nuk janë përputhur me numrat e vendvotimeve, pra kemi fletëvotime që kanë lëvizur nga klasa në klasë, por kemi edhe fletëvotime që kanë lëvizur nga shkolla në shkollë. Prokurori i rastit i cili ka ardhur ka tentuar në mënyrë ad hoc edhe të njëanshme të na bëjë presion që të vazhdojë procesi i rinumërimit, mirëpo ne si PDK kemi refuzuar që të vazhdojë rinumërimi, me ç’rast e kemi bojkotuar numrin dhe punën pastaj, e pastaj që kanë ardhur organet gjegjëse edhe zyrtarisht e kanë ndërprerë numërimin”, tha Sumiç.
Kurse, nga LVV në këtë Komunë thonë se presin që procesi të filloj sa më parë.
“Unë mendoj që procesi duhet të filloj sa më shpejtë, për shkak që mos me shkaktuar konfuzicion te qytetarët dhe të gjithë votuesit e të gjitha subjekteve. Ish nënkryetari dhe kandidati i PDK-së e ka pranuar humbjen, poashtu e ka uruar fituesin”, tha Armend Begu, asamblesit i LVV-së.
Ndërsa, nga IPK-ja kanë deklaruar se disa zyrtarë që po monitorimin procesin në Mitrovicë, dyshohet se shkelën procedurat e Planit Operativ në Qendrën e Numërimit në këtë komunë.
