Në Kuvendin e Kosovës ka dështuar edhe përpjekja e 43-të për konstituim.
Lëvizja Vetëvendosje ka vazhduar me përpjekjen për votim të fshehtë për zgjedhjen e kryekuvendarit.
Ndërkaq, partitë e tjera, si PDK, LDK, AAK dhe Lista Serbe, nuk kanë propozuar fare anëtarë për Komisionin për votim të fshehtë.
Me 55 vota për, asnjë kundër dhe asnjë kundër, Komisioni nuk kaloi.
Seanca e radhës do të mbahet të mërkurën (9 korrik) në orën 11:00.
Ndryshe, vazhdimi i fundit i seancës u bë mbrëmjen e së shtunës, më 5 korrik, pasi gjatë ditës pati një alarm të rrejshëm për bombë.
Dështimet për konstituimin e Kuvendit po vazhdojnë edhe pasi Gjykata Kushtetuese e Kosovës i ka obliguar deputetët që ta bëjnë Kuvendin më së largu deri më 26 korrik.
Seanca konstituive ka nisur më 15 prill, pas së cilës deputetët e zgjedhur janë betuar por nuk kanë arritur ende t’i formojnë trupat e legjislativit.
