Në fundjavë zhvillohet xhiroja e gjashtë e Superligës së Kosovës në hendboll në konkurrencë të femrave.
E gjithë vëmendja do të jetë në palestrën “Afrim Bunjaku” në Samadrexhë. Të shtunën nga ora 20:00 përballen Samadrexha e Istogu, në njërën prej ndeshjeve më të rëndësishme të stinorit vjeshtor.
Të dy skuadrat kanë pretendime të mëdha dhe synojnë ta fitojnë derbin për të dëshmuar nivelin që kanë.
Si Samadrexha ashtu edhe kampioni në fuqi, Istogu, kanë fituar katër ndeshjet e deritashme.
Të shtunën ndeshje interesante pritet të luhet edhe në Gjakovë në mes të Shqiponjës dhe Terezës. Kjo ndeshje fillon në ora 16:00. Në termin të njëjtë është edhe takimi Besa – Prishtina.
Xhiroja mbyllet me ndeshjen Ulpiana – Ferizaj, që luhet të dielën nga ora 14:00.
Në Ligën e Parë të hendbollisteve është xhiroja e katërt.
Jusuf Gërvalla – Vëllaznimi, KEK-u – Trepça, CLICK – Vushtrria dhe Vjosa – Prizreni janë ndeshjet e kësaj xhiroje.
Në Ligën e Parë të hendbollistëve është java e tretë. Drita – Deçani, Istogu – Drenica, Ulpiana – Vjosa, Prizreni – Dukagjini janë ndeshjet e kësaj xhiroje kampionale.
