Komuna e Skenderajt është ndër më të prekurat nga përmbytjet. Madje në orët e vona është rritur edhe më shumë niveli i lumit Klina, e që si pasojë ka dëmtuar disa ura në fshatin Aqarevë të Komunës së Skenderajt.
Banorët e këtij fshati thonë se kanë mbetur të bllokuar pasi urat janë të pakalueshme.
“Duke u kthyer nga puna kur jam afruar tek ura e kam parë që është e pakalueshme dhe jam detyrar që të gjejë rrugë alternative për të shkuar në shtëpi pasi aty e kam pas nënën të vetme. Lumi kalon në mes të fshatit dhe ka lagje në të dyja anët e lumit, por pasi urat janë dëmtuar realisht fshati është i bllokuar”, tha banori i këtij fshati Albert Shabani në një prononcim për Teve1.info.
Dëmtimi i njërës prej urave në këtë fshat shihet edhe në videon e mëposhtme.
