Demi në emisionin “Ditari” në Tëvë1, tha se edhe Qeveria dhe SBASHK-u duhet të gjejnë zgjidhjen.
“Prindërit i mbështesin fëmijët. Ne jemi për interesin e fëmijëve. Nuk kemi rreshtim ndaj palëve. Këto dy palë duhet të gjejnë dialogun mes veti dhe të gjejnë zgjidhjen dhe ne jemi për të ndryshuar këtë realitet që është bërë normal. Ky realitet normal nënkupton me fillu grevën kushdo qoftë. Një e drejtë aktualisht juridike i është dhënë mësimdhënësve përmes SBASHK-ut që të fillojnë grevën dhe ky realitet krijon një disbalanc jo normal në shkollë sepse nuk janë vetëm mësimdhënësit në shkollë, janë edhe prindërit edhe fëmijët”, ka deklaruar ai.
Ai thotë se është e padrejtë që kërkesat materiale të ndalojnë plotësisht procesin mësimor.
“Kjo është e padrejtë dhe jonormale që këto kërkesa të tilla që janë materiale ta ndalojnë plotësisht procesin mësimor që do të duhej të fillonte sot dhe pa afat. Sindikata e ka hidhërimin, inatin dhe pakënaqësinë me Qeverinë, por mllefin në mënyrë të pavetëdijshme dhe dëmin po e bën tek fëmijët dhe prindërit. Ky realitet duhet të ndryshojë”, tha më tej Demi. /teve1.info/
