Analisti Arton Demhasaj ka deklaruar se aspiratat e Vetëvendosjes për të krijuar parti politike në Shqipëri, Maqedoni e Luginë janë tendencë për krijimin e momentumit për bashkim kombëtar.
Demhasaj ka kritikuar qasjen e Kryeministrit Kurti me pjesëmarrje në zgjedhjet në Shqipëri dhe Maqedoninë Veriore, pasi sipas tij, kjo mund të ndikojë në marrëdhëniet ndërshtetërore me këto dy vende.
Derisa sipas tij, kjo tendencë e Vetëvendosjes mund të ketë pastaj pasoja në politikën e jashtme.
“Momentin kur Vetëvendosje po mundohet në njëfarë mënyre me kriju degë në Shqipëri, në Maqedoni dhe Luginë, kjo pikërisht është ajo që mund të çojë ujë në mulli të huaj. Për shkak se ideja e bashkimit kombëtar që e ka pas Albin Kurti një kohë, mund të konsiderohet edhe kjo që tendenca e Vetëvendosjes me u shtri në krejt vendet e rajonit ku ka shqiptarë, mund të konsiderohet që është një tendencë e krijimit të partive politike. E që dalë ngadalë ta krijojë atë momentumin e tendencës së tij për me arritë një bashkim kombëtar, që mund të ketë pasoja edhe në politikën e jashtme”, tha Demhasaj në emisionin “Këndi i Debatit” në Tëvë1./teve1.info./