Sipas tij, Qeveria që nga fillimi i grevës ka kërcënuar SBASHK-un, andaj Demahsaj tha se duhet të ketë reflektim nga të dyja palët.
“SBASHK-ut i takon ta bëjë kompensimin e orëve të humbura, sepse kanë humbur mbi 100 orë. Atyre u takon të gjejnë mënyra së bashku me Ministrinë e Arsimit se si t’i zëvendësojnë këto orë sepse është një humbje e madhe. Mirëpo, në anën tjetër duhet të reflektojë edhe Qeveria, sepse që nga fillimi i grevës ka pasur kërcënim që nuk do i japin pagat. Mandej janë kërkuar listat nga komunat se sa mësimdhënës po mbajnë mësim. Prandaj, për ta gjetur një mirëkuptim përmes dialogut social, Qeveria duhet të tërhiqet nga ajo çfarë ka thënë se do i ndalojnë pagat, pra duhet t’i vendosë pagat në mënyrë të rregullt. E që pastaj mësimdhënësit me vullnet të mirë të kthehen në mësim duke i zëvendësuar orët e humbura”, tha Demhasaj në emisionin “Këndi i Debatit”.
Tutje, Demahasaj tha se hapin e parë të gabuar e ka bërë Qeveria, pasi siç tha ai, korriku dhe gushti kanë qenë të mjaftueshme për ta parandaluar grevën.
“Qeveria para se ta publikonte Pakon e Re Financiare është dashur ta takojë Këshillin Grevist”, tha më tej Demahasaj./Tëvë1.info./
