I ftuar në emisionin “Këndi i Debatit” në Tëvë1, teksa foli për rritjen e çmimeve, Demhasaj tha se Qeveria vetëm duhet treguar masat që po i ndërmerr për parandalimin e krizave.
Tutje, ai tha se po mungon “dora e Qeverisë” në treg për të ndihmuar qytetarët në kriza, veçanërisht në fushën e bujqësisë.
“Po mungon dora e Qeverisë në treg edhe te heqja e TVSH-së. Masat që dje u publikuan nga Ministria e Bujqësisë për subvencionimin e grurit, po subvencionojmë grurin tash, nuk mbillet më gruri, u mbill ajo çka është mbill. Kjo masë është dashur të mirret në nëntor në mënyrë që të nxiten qytetarët për me punu tokën për shkak të nevojave që kemi, teksa tash po e rrit 200 për qind. Njëkohësisht është rritë edhe plehu artificial, nafta që ka me u përkthy direkt kur bëhen korrjeshirjet kur ka me u rrit çmimi për hektar pra masat që po i ndërmerr nuk po përkojnë me ata që me nxit reagimin qytetar’’, shtoi ai.
Sipas tij, masat e ndërmarra nga Qeveria “nuk janë efektive dhe nuk janë të menduara mirë, pasi kriza nuk vjen prej qiellit dhe se masat duhet ndërmarrë paraprakisht, jo të pritet që kriza të ndodh”./teve1.info/
