Kryeministri Albin Kurti dhe kryetari i PDK-së, Bedri Hamza, kanë zhvilluar një takim pak orë më parë, por pas tij nuk është bërë e ditur nëse është arritur ndonjë marrëveshje mes dy partive.
Pas përfundimit të takimit, Grupi Parlamentar i PDK-së ka mbajtur një mbledhje, ndërsa ende nuk janë bërë të ditura detajet se çfarë është diskutuar.
Ndërkohë, deputetja e PDK-së, Blerta Deliu, ka reaguar përmes një postimi në Facebook, duke kritikuar idenë e kushtëzimit të votimit të ligjit me çështjen e zgjedhjes së presidentit.
“Votoma Presidentin, ta votoj ligjin”, a ka shprehje më të qartë të pazarit me kauzën e çlirimtarëve?
Po thoni se UÇK-ja është e të gjithëve. Atëherë, pse vota juaj për ligjin varet prej asaj çka merrni për vete?
Nëse UÇK-ja është e të gjithëve, edhe përgjegjësia është e të gjithëve. Votojeni ligjin pa ia vënë çmimin”, ka shkruar Deliu.
